....................

التوهان .. ده بقي عنوان المرحله دي من حياتي 

لا أنا فاهم حاجه ولا أنا عارف حاجه 

وماشي كده زي ما رجلي توديني .. حتي مشاعري

جلها تبول ﻷ أرادي هي كمان

ﻷ تبول لا إرادي دي ما توصفش الوضع

أنا بقيت بكون مبسوط الصبح .. متضايق بعد الظهر.. متعادل في العصر 

كأيب بالليل

مش قادر أقرر حاجه 

ومش عارف أقرر حاجه

سايب كل الأمور عايمه كده من غير لا حاكم ولا رابط

وماليش نفس أكمل كتابه

سلام

منقول .. للأسف كتاباتي ملهاش هذا المعني العميق

الوحدة رائعة حقاً ، لا يمكنك إنكار ذلك...

لكن الأروع أن تجد من يتفهم وحدتك جيداً إلي الدرجة التي يمكنك معها مشاركة تفاصيل وحدتك معه...

كالعاده .. الأجابه .. مش عارف

كان عندي لمده طويله من عمري لازمه في كلامي .. كنت علي طول أقول المهم .. لما حد يقاطعني أو يسألني أو يوضحلي .. أحيانا كنت بقولها من غير سبب واضح

في الفاتره الأخيره أتغيرت الازمه بتاعتي

بقيت مش عارف

ديما مش عارف

كتير مش عارف

حتي لما بكون عارف أجابة السؤال أو الموقف ألي أنا فيه 

بقول مش عارف بس ممكن ...... وأكمل كلامي علي كده

حتي بيني وبين نفسي بقيت مش عارف

بقالي كتير مش عارف

مش عارف حتي أنا عايش ليه

عندي أحساس بالوحده .. والضياع

وبالبرد

أحذر .. خطر الموت

من أخطر التجارب .. وأكثرها فتكا بالبشر 

أن يقوم أحدهم ..  بالتوجه إلي فراشه

ها نحن نراه يستلقي 

وتنطفئ الأنوار

هو ليس بحاجه إلي النوم 

وقد أرتكب هذا الخطاء الشنيع

لقد أطلق كل ما هو سجين بين قضبان وعيه

لقد حرر كل ألامه ومخاوفه .. جروحه .. فشله

ترك العنان لكل ما هو لعين  في حياته

لقد أصبح محاصرا في الظلام

أحطت به ألامه أحاطة السوار بالمعصم

تنقض عليه كل فكره  .. كل لمحه من حياته

يري كل فشل

يتذوق مرارته

يري كيف رحل هذا عنه 

وكيف تخلي الأخر عنه

لم يعد يدرك .. هل يتذكر هذه الأحداث .. أم أنه يكررها

هو مازال يحس بالألم كأول مره

يأن كأول مره

يسقط كأول مره

كل مره كأول مره

كل ماحسب أنه  رحل عن ذاكرته

يحاصره .. يسخر منه

ينال منه

دعونا نجمع بقايانا بعد هذه التجربه

دعونا الأن نستسلم للنوم 

بعد أن أنهكنا كل هذا الكم من الأحمال

لتنهض في الصباح وأنت لاتبصر الشمس

ولا تدري شئ عن الأمس 

تدرك شيئا واحد

أنه أذا كان مقدرا لنا أن نستمر في هذه الحياه

علينا دائما أن نتذكر

أذا كان لابد من النوم

فلا تذهب إلي الوساده .. إلا وقد نال منك التعب والأرهاق

حتي أذا ما وضعت رأسك علي الوساده

نال منك النعاس .. قبل أن ينالك كل وسواس

أنا جيت 

حاسس أني بدخل بيت قديم بقالي كتير ما دخلتوش .. الغريبه أني لسه حاسس

حياتي أختلفت كتير 

طباعي أختلفت

أحاسيسي أختلفت

حتي شكلي أختلف

بس أكتر حاجه بتوجعني أن الطفل الي كان جوايا .. ألي كان بيعلمني أزاي أستمتع بالحياه 

سبب مقاومتي كل الفتره دي .. سبب أبتسامتي الدائمه 

حاسه بقي قعيد .. مرمي في ممرات عقلي علي الأرض بنزف من مكان 

غايب عن الوعي .. كل ما يقوم ويحاول يداوي جراحه

ينجرح تاني

يقع تاني .. مش عارف أرجعه أزاي

أحيانا بحس أني ببالغ .. في ناس كتير أتوجعت أكتر مني 

أني مرفه

كتير بحس بالقرف من نفسي ..وبكرها

كتير مش بعرف أساسا أنا حاسس بأيه

ولا حاسس بيه ليه

مش هختم زي كل مره لأني عارف أني لوحدي

وتقريبا حفضل لوحدي

فله .. شمعه منوره

من الأمور اللطيفه ألي علي طول بتحصلي

لما بكون متضايق أوي .. وفي قمة أكتأبي

لما حد بيقولي عامل أيه  .. بقوله فله شمعه منوره

وبكون أقصد أني  فله مش قادر أفكر في أي حاجه

وشمعه منوره .. يعني بتحرق زي أي شمعه منوره

اللطيف هنا أن الناس بتفترض أن دي علامه كويسه .. وبيكون ردهم في أغلب الحالات 

طيب الحمد لله يارب دايما

بسكت

وبحمد ربنا 

من أيام حياتي

حكتب تاني .. أنا نفسي مش مصدق ده بس أديني بجرب وأشوف الدنيا هتمشي أزاي

يومي النهارده كان حاجه كده محصلتش 

صحيت من النوم متأخر 

كلمتها

علشان أعرف أختها عملت أيه في الثانويه العامه

في العاده قلبي كان بيكون بيتنطط لما بسمع صوتها

بس النهارده .. صوتها كان بيوجع قلبي

واضح أن خلاص .. وأن الكسر ألي كسرتهولي هيكون جزء مني

لسه هكلمها بكره تاني علشان أقولها كل سنه وأنتي طيبه

المهم 

حاولت أني أخرج من الأحساس ده 

حاولت أشيل الحواجز ألي بيني وبين الناس المتطوعين في مشروع أنسان 

لأن كلهم بيتعاملوا معايا هناك  كأني وباء من الأفضل الأبتعاد عنه

علشان يجيلي تليفون من لمبه

أربعه من أصحابنا عملوا حادثه

2 في غيبوبه والأتنين أخوات

واحد منهم رجليه وواحده من أديه مكسرين وهيحتاج يركب شرايح وعنده شرخ في الجمجمه

والتاني عنده  كسر في القفص  الصدري .. ونزيف داخلي

والتالت فايق بس مش بيشوف ورجله أتكسرت  .. وهيركب مسامير

والأخير فايق بس عنده شويه رضوض وجروح

أعتذرت وممشيت من السنتر بتاع أنسان

وأخدتها كعب داير بين المستشفايات

ولسه راجع البيت من شويه عندي مجموعه من الأحاسيس اللطيفه

ومعناوياتي ملهاش حل

والمفروض أني كنت هروح المنطقه الحره بكره 

علشان أشوف شغل

ومش عارف لحد دلوقتي حقدر أعمل ده ولا لأ

ربنا يعين

كان معكم السعيد دائما

أنا

:(